BIOGRAFIA DEPUTADO ADRIANO DO NASCIMENTO, VICE PRESIDENTE PARTIDO DEMOCRÁTICO

ADRIANO DO NASCIMENTO, moris iha loron 12 fulan Janeiru 1970, iha Holbelis-Suco Labarai Distrito Covalima. Agora dadauk, nia sai Deputado Parlamento Nacional no lidera Partido Democratico iha Parlamento Nasional hanesan Chefe Bancada. Iha Parlamento Nacional, nia mos eleitu hanesan Presidente ba Grupu Amizade Parlamentar entre Timor-Leste no Japaun. Nudar Deputado iha Parlamento Nacional, nia mos servi iha komisaun espesializada rua hanesan Komisaun Infrastrutura no komisaun Negocio Estrangeiros, Defesa no Siguranca Nacional.
Iha Partido Democratico, Adriano do Nascimento servi nudar Premeiru Vice Presidente, eleitu iha Premeiru Kongresu iha fulan Outubru 2006. Molok ida ne’e, nia halo knar hanesan Sekretariu Jeral Distrito Covalima badala uluk, bainhira Partido Democratico hari iha fulan Junho 2001. Hafoin ida ne’e, nia mos halo nia knar nudar Komisariu Politiku Nasional ba Regiaun Oeste iha Tinan 2003-2006.
Adriano do Nascimento graduadu hosi fakuldade Siensia Edukasaun iha Universidade Nusa Cendana Kupang. Hafoin remata nia estudu, nia mos halo tan nia kursu iha area oi-oin iha rai liur hanesan; kursu ba Transformasaun konflitu iha Universidade Menonite, Virginia-Amerika, Kursu Dezenvolvimentu Paz iha Universidade Notre Dame, Indiana-Amerika. Nune mos nia halo Kursu ba Akompanhamentu komunidade no guvernu local iha Australia. Adriano do Nascimento mos halo kursu tekniku ba Planeamentu Programa no Orsamentu iha Bangkok-Thailandia no kursu ba formasaun lideransa iha Jakarta.
Molok sai membru Parlamento Nacional, Adriano do Nacimento servisu iha organizasaun lubun ida. Iha tinan 1997-1998, nia sai professor iha eskola Pre Secundaria no Secundaria iha distrito Covalima. Iha tinan 1998, nia ho nia kolega lubun ida, hari no servisu iha ONG ida hanaran Conflict Management Group, nebe agora nakfilak ba KSI (Kdalak Sulimutuk Institut).
Iha periode resistensia, Adriano do Nascimento involve an iha rede klandestina hodi halo knar iha Seksaun Agitasaun Politika no Relasaun Internasional iha Odir 12 de Outubru no sub Regiao 12 de Outubru, hafoin nakfilak ba CNRT. Iha tinan 1998-2000, nia mos sai koordenador geral DSMPTT (Dewan Solidaritas Mahasiswa Pemuda dan Pelajar Timor Timur) Distrito Covalima hodi halo kampanhe ba ukun rasik an iha distrito refere. Iha tinan 1998-1999, Adriano do Nascimento mos involve iha kampanhe ba ukun rasik an iha rai liur hanesan Estados Unidus da America, Irlandia, Inglatera, Portugal, Belgia, no Espanha. Durante hala’o nia estudu iha Kupang, nia mos sai Presidente ba Organizasaun IMPETU/IMAPTIM (Asosiasaun Estudante Timor Leste) ba tinan 1996-1997.
Hafoin Timor ukun an, hahu hosi 2000-2002, Adriano do Nascimento kontinua hanorin iha eskola Pre Secundaria no Secundaria iha Distrito Covalima. Iha tinan 2001, nia muda hosi Suai hodi servisu iha banku ANZ. Hafoin ida ne’e, iha tinan 2002-2003, nia muda fali nia servisu ba iha ONG La’o Hamutuk hodi sai peskizador ba asuntu Mina no Gas iha Tasi Timor. Iha tinan 2003-2006, Adriano do Nascimento servisu fali iha ONG internasional (CRS/Catholic Relief Services) nudar Programa Manager ba programa Peace Building/Dezenvolvimentu Paz.
Iha forum internasional, Adriano do Nascimento mos hola parte iha aktividade lubun ida. Nia lidera Team Peace Building CRS Timor Leste hodi hola parte iha Regional Technical Meeting iha Philippine, Cambodia, Medan Indonesia. Hola parte mos iha Regional conference on Global Partnership for Prevention of Armed Conflict iha Manila, The Philippines. Nia mos hola parte iha konferensia/Second Catholic Peace Building Network Conference iha Davao City, the Philippines. Adriano do Nascimento mos sai orador ba konferensia “The Role of Civil Society in Conflict prevention and Peace building in East Timor”  iha Phnom Penh, Cambodia.
Hanesan aktivista no lider politiku, Adriano do Nascimento mos halo publikasaun. Nia sai Co-writer/hakerek nain ba libru ida ho titlu “East Timor Testimony” nebe publika iha tinan 2004 iha Canada. Hanesan peskizador ba asuntu mina no gas no asuntu interligadu sira seluk, Adriano do Nascimento mos hakerek artikel lubun ida kona ba mina no gas iha tasi Timor no problema sosial sira seluk iha Diariu nasional. Artigu nebe nia hakarek mak hanesan: Timor Gap sebuah Celah yang Tercela/Timor Gap is controversial Gap, publika iha STL no Timor Post iha fulan Juilho 30 & 31 2002, Timor Gap; Timor Gap Celah yang menguntungkan atau dipasrahkan? (Sebuah tinjauan reflektif tentang  JPDA/daerah pengeksplorasian minyak bersama)/Timor Gap benefit or given away? (Reflections on the Joint Petroleum Development Authority), publikaiha STL iha fulan Agustu  14 & 16, 2002, Timor GapCelah yang dilematis; antara mendaulatkan negara atau membangun negara?/The Gap: Poses Dilemma between National Sovereignty and Nation Building, publika iha STL ihafulan September 17 & 18, 2002, Timor Gap Dalam konteks perdebatan Pakta 20 Mei 2002/Timor Gap in the context of 20 May Treaty Debate), publikaiha STL iha fulan Dezembru 18,2002, Timor Gap Sebuah Celah yang berperangkap misterius/Timor Gap is a Mysterious Trap,), publikaiha STL iha fulan Marsu 5 & 6, 2002, Timor Gap Sebuah kegagalan diplomasi politik dan hukum?/Timor Gap is the failure of the legal and political diplomacy, publikaiha STL iha 2004.